№ 517
1505 г. января 27. Ломазы.
Потвержен(ь)е Шимкȣ Мацковичȣ на земли в Жолудском повете и на дворец на Тур(ь)и, близко Рожанки.
Александръ, бож(е)ю м(и)л(о)стью корол(ь).
Чинимъ знаменито симъ нашимъ листом, хто на него посмотрить, або чтȣчи его вслышит, нынешним и потом бȣдȣчим, комȣ будеть потребъ того ведати.
Бил намъ чолом дворенинъ нашъ Шимко Мацкович и вказывал перед нами листы наши, што жъ мы перво сего дали ωтцȣ его Мацку Анъдрȣшковичȣ землю пȣстовъскȣю в Жолудскомъ повете на имѧ
Трещевщину и теж дозволили есмо ему з борином василишъскимъ, с Өед(ь)комъ Дашковичомъ и зъ люд(ь)ми нашими жолудскими на имѧ з Вороновичи, а с Петькомъ, а з Андреемъ с
Тречевичи, а з Мелехомъ, и з Раховичи землѧми менѧти.
Тежъ поведил перед нами, што ж ωтец его кȣпил в борина нашого в Мартина Плешивого и въ его сына въ на поле з лесомъ. И теж деи ωн самъ, ωпричъ ωтца своего, кȣпил в борина нашого в Богдана Пацевича и въ его жоны, и въ детеи ихъ, дворецъ ихъ на Тур(ь)и близко Рожанки ωбел(ь) вечно. И листъ купчии на то переднами вказывал. И бил намъ чолом, абыхмо ему на вси тыи земли дали нашъ лист
и потвердили то нашим листом.
Ино мы з ласки нашое за его к намъ вернȣю службу на тую землю
Трещевщину, на данину н(а)шу, и теж на вси тыи земли, што ωтец его выменил и купил з нашим
дозволеньем, и теж, што ωн самъ кȣпил собе за свои п(е)н(ѧ
зи, дали емȣ сесь наш лист и потвержаем то вечно емȣ и его жоне, и их детем, и на потом бȣдȣчимъ их счадком. Волен то ωн продати, и ωтдати, и заменити, и росши|рити, и кȣ своемȣ
вжиточномȣ и лепшомȣ ωбернȣти, как самъ налепеи розȣмеючи.
А на твердость того и печат(ь) нашу казали есмо при|весити к семȣ нашомȣ листȣ.
П(и)сан в Ломазєх, в лет(о) 7004, м(е)с(ѧ
ца ген(варѧ
27 день. Индик[т]ъ 8.
Прав(ил) мар(шалок) двор(ныи), нам(естник) мер(ецкии) и ȣт(енскии) кн[ѧ]з(ь) Мих(аил) Л(ь)вов(ич) Глинскии.
