Смоленское воеводство - Тереховичи

Снова обратимся к Литовской метрике. Источник на этот раз данвний - Акты Литовской метрики. Том 1. Выпуск 1. 1413-1498 гг., Ф.К. Леонтович (1896 г.). Первый том можно скачать, например, здесь.

С. 36

№ 83

VI. 62-91, 10 августа 1493

Митку Тереховичу на сельцо в Смоленском повете на Молохве

Александр, Божию милостию великий князь.

Наместнику Смоленскому, пану Юру Глебовичу и иным наместником нашим, хто потом будет от нас Смоленск держати. Бил нам чолом боярин Смоленский Митко Терехович и просил в нас сельца в Смоленском повете, на Малохве, на имя Высокого, и мы ему тое сельцо Высокое дали вечно, и з отчичти того сельца, и со всим з тым, што здавна к тому сельцу прислухало. И теж бил нам чолом и поведил перед нами, штож деи в его земли отчинной в пашной и бортной бережок есть бобровый по речке по Молохве и просил в нас, абыхмо ему тот бережок бобровый дали. Ино мы ему тот бережок бобровый дали в его земли отчинной и з пашной и з бортной по речке Молохве, почон от Глубоччицы до Вемры. И казали есьмо его во все тое увязати боярину Смоленскому Федку Казарыну.

Писан у Троцех, Августа 10 день. Индикт 11. Правил во(евода) Ви(ленский), ка(нцлер) па(н) Ми(колай) Ради(вилович).

Сопега писарь

с. 56

№143

VI. 32-47, 26 октября 1494 г.

Подтверждение бояром Смоленским Тереховичом и Голосовичу за сельца в Смоленском повет: Лозиничи, Бортутино, а Тешковичи, а Басяне, а Мисаново, а Черляньково

Сам Александр, Божию милостию
Чиним знаменито сим нашим листом, хто на него посмотрит, або чтучи его услышит, кому будет потреб того ведати. Били нам чолом бояре Смоленские, на имя: Иван, а Митко, а Сенько, а Офанас Тереховичи, а Федко Голосович, што перво сего подавали есьмо им сельца в Смоленску, Мартиновского двора повету, на Молохве, на имя Лозиничи, а Болтутино, а Тешковичи, а Босяне, а Мисаново, а Чертяньково, з землями пашными и бортными, и ныне нам били чолом, абыхмо то им подтвердили, а бали быхмо им на то лист наш, вечность. Ино мы им тыи сельца врху писаныи, которыи перво сего подавали есьмо им, подтвержаем сим нашим листом з землями пашными и бортными, и с тыми людьми, которые в тех землях седят в пашных и бортных, со всим потому, што здавна к тым сельцом прислухает, вечно им и их детем и их щадком; вольни они продати, и отдати, и заменити, и к своему зажиточному обернути, как сами налепей разумеючи. А на твердость ого и печать нашу казали есьмо привесити к сему нашему листу.

Писан в Ковне, в лето 7003, месяца октября 26 день. Индикт 13.


c. 57

№145

VI. 25-36. 21 декабря 1494 г.

Вырох бояром Смоленским Тереховичом, а Голосовичом на сельца в Смоленском повете: Лозиничи, а Болтутино, а Тешковичи

Александр, Божию милостию

Смотрели есмо того дела с паны радою нашою. Стояли перед нами очивисто в праве, жаловали нам бояре Смоленские: Иван, а Митко, а Сенко, а Офанас Тереховичи, а Федко Голосович на пана Петра Глебовича, штож поотнимал у них сельца их, которыи ж есмо им подавали и привилеем нашим подтвердили в Смоленску, Мартиновского двора повету, на имя Лозиничи, а Болтутино, а Тешковичи, а Босяне, а Мисаново, а Черлеково, з землями пашными и бортными, и што в тых их землях в пашных и в бортных люди сидят; а пан Петр поведил перед нами, аж бы они тые сельца выпросили в нас за пусто, а без людей. И мы казали им тые первые наши листы, которые ж есмо им на тые сельца подавали, перед нами положити, и тое привилье. И они тые первые наши листы и привилее на тые сельца перед нами положили. И мы есьмо тых листов наших первых и привилия выслухали, и в тых листах стоит, иж они просили селец в нас не за пусто, але з людми, и привилеем нашим тые сельца есмо им подтвердили вечно, подле тых первых наших листов; и того есмо смотревши и в том их оправили, и тые сельца вси, которые ж в листех наших и в привилии стоят, за землями пашными и бортными, и што в тых землях пашных и бортных люди сидят, присудили есмо им вечно со всим с тым, што здавна к тым сельцам прислухает. А пану Петру вжо ся не надобе в тые их сельца и в люди вступатися. Е естлибы пан Петр через сей наш суд хотел в тые их сельца и в люди вступатися, тогды он мает нам вины нашое заплатити тысячу рублей грошей. А на то дали есьмо им сей наш лист судовый под нашею печатью.

Писан у Вильни. Декабря 21 день. Индикт 13.

Сопега писарь.

von_nachtigall написал:

[q]

Литовская Метрика, книга записей №3.

Привилеи короля Казимира, 1449.11.09:

"Волковыскъ. Незбодичомъ, десятемъ ч(о)-л(о)в(е)комъ, дороги стеречи, а Лагирю на свосм же дорозе десятемъ же, какъ здавна стерегивали при великомъ кн(я)зи Витовте и при Жикгимонъте - Нсзбодич Устеча а Леченка Самъсонович, а Селевон Тереховичъ..." (с. 61)

[/q]

Там есть уточнение, где имено.

"У Василишкохъ Селивону дато было чо­тыри ч(о)л(о)в(с)ки: Сеню а Кудиса, а Почабута, а Черника, не данники, ани конокормъци"

Ср. Василишки Гродненской области

Самое, пожалуй, главное из этой книги.

с. 80

№ 205

VI 45-65, 24 июля 1495 г.

Вырок бояром Смоленским Тереховичом з Сенком Бердибяковичом о сельцо Руковское, а Ходорыковское

Александр, Божию милостию великий князь Литовский, Русский, Жомойтский и иных

Смотрели есмо того дела с паны радою нашею. Жаловали нам бояре Смоленские: Митко, а Сенко, а Дешко з братиею своею Тереховичи, на Сенка Бердыбяковича. Тот, государю, Сенко держит нашу власную отчину и дедину, сельцо на имя Руковское, а Ходорыковское, и люди свои на тои земли посажал. И Сенко Бердыбякович перед нами рек: тая, государю, земля им не отчина, ани дедина, и ни чим то им не прийдет, нижли слушала тая земля здавна к тому имению Хролковичом, што ми ся по тетце моей достало. И мы спытали тых бояр: маете-ль вы на то которыи твердости листы, иж бы то была нам отчина и дедина. И они рекли: маем, государю, на то лист судовый князя Семенов Ямонтовича, который деражл Смоленск от государя, короля е.м., а был суд о тыи земли перед князем Семеном еще деду нашему Якову и з людьми Молоховское волости, з Иваном, а с Кузьмою Владыкиным; и князь Семен того досмотревши, и в том деда нашого оправил, и тую землю ему присудил, и лист свой судовый на то ему дал. И дед наш Яков тую землю держал аж дл живота своего, а потом отец наш тую землю держал, и тот лист судовый князя Семенов перед нами вказывали. И мы того судового листа выслухали, и в листу том стоит, штож князь Семен Ямонтович о тыи земли деда их з людьми Молоховскими и Владыкиными смотрел, и в том деда их оправил, и тую землю им присудил; и мы ещо для лепшой справедливости пытали того Мытка, а Сенка, а Дешка и их брати, маете-ль вы над то ещо которое доброе сведецтво, иж бы тая земля была вам отчина и дедина? И они рекли: сведомо, государю, о том бояром Молоховским и приказнику Молоховскому, и мужом старым, которыи давно о том памятают, аж то есть отчина и дедина наша, и шлем ся, государю, о том на тых светков; и Сенко Бердыбякович на тых их светков ся послал. И мы казали тых светков опытати маршалку нашому, наместнику Волковыйскому, пану Войтеху Кучуковичу, и нам отказати; и пан Войтех тых светков опытавши и нам отказал; тыи светки светчили так вси в одно слово, бояре Молоховские и прказник Молоховский и з мужми: как мы помятаем за державцом Смоленских, за пана Судивоя, а за пана Семена Гедиголтовича, тую землю, на имя Рудковскую, а Ходорыковскую, дед их держал Яков, а после живота деда их отец их Терех тую землю держал; а того неведаем, для чого Сенко Бердыбякович тую землю, отчину и дедину их, к Хролковичам держи, а тая земля к Хролковичам здавна не прислухала. То есть земля отчина и дедина тых бояр Тереховичом. И мы того досмотревши, и порозумели есмо, иж Сенко Бердыбякович тую землю, отчину и дедину тых бояр, негораздо держал, не маючи к тому ничого. И подле суда князя Семенова Ямонтовича наместника Смоленского и его листу судового и теж после сведецтва тых светков, тых бояр Митка, а Сенка, а Дешка и их братью Тереховичов в том есмо оправили и тое сельцо их отчинное и дединое Рудковское, а Ходорыковское им присудили, а Сенку Бердыбяковичу в тую землю их ненадобе вжо вступатися.

Писан у Вильни, Июля 24 день. Индикт 13.

Янушко писарь.

Судя по географии поместий Тереховичей в Молоховском пути, часть из них по результатам войны 1512-1522 гг. могла остаться в Литве.

Новая граница прошла как раз по тем местам.

Та же самая запись, в том виде, как она опубликована в Книге записей № 5 (литовское издание 2012 г.):

с. 80:

101. Vilnius, 1495 07 24

Вырок бояром смоленским Тереховичом зъ Сенком Бердибяковичом о селцо Руковское а Ходориковское

Александръ, Божю м(и)л(о)стю великим княз литовским, руским, жомоитским и иныхъ.

Смотрели есмо того дѣла с паны радою нашею. Жаловали нам бояре смоленский, Митко а Сенко, а Дешко з братею своею, Тереховичы, на Сенка Бердибяковича: тотъ,
г(о)с(по)д(а)ру, Сенко держит нашу влосную отчину и дядину, селцо, на ммя Руковское а Ходориковское, и люди свои на том земли посажал. И Сенко Бердибяковичъ перед нами
рекь: тая, г(о)с(по)д(а)ру, земля им не отчина ани дѣдина, и ни чим то им не приидет, нижли слушала тая земля здавна к тому именью Хролковичом, што ми ся по тетце моем достало. И мы спытали тых бояр: маете л вы на то который твердости и листы, иж бы то была вам отчина и дѣдина? И они рекли: маем, г(о)с(по)д(а)ру, на то листь судовым кн(я)зя Семеновъ Ямонтовича, которым держал Смолнескь от г(о)с(по)д(а)ра короля его м(и)л(о)ста; а был суд о том земли перед кн(я)зем Семеном еще дѣду нашому Якову и з людми Молоховское волости, з Ываном а с Кузмою Владыкиным, и княз Семен того досмотревши, и в том дѣда нашого оправил, и тую землю ему присудил, и лист свои судовым на то ему дал, и дед нашъ Яков тую землю держалъ аж до живота своег(о), а потом отец нашъ тую землю держалъ. И тотъ листь судовым кн(я)зя Семеновъ перед нами вказывалм. И мы того судового листа выслухали. И в листу том стоит, што ж кн(я)зь Семенъ Ямонтовичъ о том земли дѣда их з людми молоховскими и владыкиными смотрелъ, и в теш дѣда их оправил и тую землю ему присудил. И мы ещо для лепшое справедливости пытали того Митка а Сенка, а Дешка, и их братьи: маете л вы над то еще которое доброе сведецство, иж бы II [60v] тая земля вамъ была отчина и дѣдина? И они рекли: сведомо, г(о)с(по)д(а)ру, о том бояром молоховским и приказнику молоховскому, и мужомъ старым, который давно о том памятают, иле то ест отчина и дедина наша, и шлем ся, г(о)с(по)д(а)ру, о том на тых свѣтковъ. И Сенко Бердибяковичъ на тых их свѣтковъ се послалъ. И мы казали тых свѣтковъ опытати маршалку нашому, наместнику волковьшекому, пану Воитѣху Кучуковичу и нам отказати. И пан Воитѣхъ, тыхъ светковъ опытавшы, и нам отказал. Тыи светки светчили такъ вси в одно слово, бояре молоховскии и приказник молоховским, и з мулеми: как мы памятаем, за державцов смоленскихъ, за пана Судивоя а за пана Семена Кгедиктолтовича, тую землю, на имя Рудковскую а Ходориковскую, дед их держал Яков, а после жывота деда их отец их Терех тую землю держал, а того не ведаем, для чого Сенко Бердибяковичъ тую землю, отчину и дедину их, к Хролковичом держить, а тая земля к Хролковичом здавна не прислухала, то ест земля отчина и дедина тых бояр Тереховичов.

И мы, того досмотревшы, и порозумели есмо, иж Сенко Бердибякович тую землю, отчину и дедину тых бояр, не гораздо держал, не маючы к тому ничого, и подле суда кн(я)зя Семенова Ямонтовича, наместника смоленского, и его листу судового, и теле подле сведецства тых светковъ тых бояр, Митка а Сенка, а Дешка, и их братью, Тереховичовъ, в том есмо оправили и тое селцо их отчинное и дединное Рудковское а Ходориковское им присудили. А Сенку Бердибяковичу в тую землю их ненадобе вжо уступати ся.

Писанъ у Вилни, июл(я) 24 день, индик(т) 13.
Пр(авили): м(а)р(шалок), н(а)м(естник) в(и)т(ебский), п(а)н Ст(анислав) Гл(ебович);
м(а)р(шалок), нам(естник) во(лковыйский), п(а)н Во(йтех) К(у)ч(укович).

Янушко, писарь. || [61(46)]