Левковские

[q]

Со слов В. Руликовского:

...po tem Jacku zostały dwie corki o ktorych tak w akcie swoim powieda Wołodko _ naprzad ze Nozdrysze dostały mu się takze od Semena Alexandrowicza jako wysłuda _ ze te pasiorbice swoje wydał iesmy zamuz swoieju syłoju szto iesmy na swoim hospodary wysłuzył, a ne otca ich syłoju _ poznijej wspomniuwszy o corkach swoich [y tąz snurzy] powiada, szo po wyposazeniu pierwszych,

Дальше идет цитата о тех же дочках (падчерицах) уже со слов самого Володко:

"dostały się u mene dwoe doczek od tojez matery, i ja nemajez czemby ich wydat zamuz, samy jesmy wże pry starosti z zenoju, a szto meł [y sizmo] i my za perwymy wydały i czeladkoju swojija, i konyki swojemi hroszykami i szlatkami [swojemi], zo wsim pospołu a wse swojeju siłoju, a ich otca newziały my niczoho, tymi pokłazy [przjszele i my] w hłubekuju starost z swojeju zenoju a syna u nas net, hospodaru wełykomu korolu z toho imieniu naszego nikomu słuzyty, tymy pak razy myłoslywij Boh dał nam p.Siemaszka Hrydkowicza i wziałusmy jaho za syna ku hospodarskoj słuzbę i dały iesmi za neho i z Bozeju pomocziu swoju bolszuju doczku Marynu i s tym imieniem szto iesmy na hospodary wysłyzył na jmiu Nozdrysz i zapysałysmy sim naszym lystom dytiaty swojemu Marynę y ziatiu naszemu p.Siemaszku tot Nozdrysz..."

[/q]

[q]

"Od p. Iwana Łaska z imienia Skorodnego osiadł. 4.
Ze wsi Korcziny osiadł. 2, zagród. 9 po gr. 6."https://books.google.com.ua/bo...mp;f=false
https://forum.vgd.ru/1231/1829...iew&o=

[/q]

[q]

Жигимонт Третий божю млстыю король полский великий княз литовский руский пруский мазовецкий жомойский инфлянский шведский кготский вандалский корол дедич
земляном земли киевское Ивану Роману Андрею и Wлизару Андреевичом Сынкгуром жаловал нам у суду нашого земского киевсого земенин земли киевское Филонъ Василлевич Семашко и вчастник его подкоморий нашъ тоеж земли киевское панъ Щасный Харлинъский ω том штож дей будучи ωни з вами во йменыю сполномъ судеревном Ноздрыши над рекою Ушею и над рекою Нориною лежачого кгрунтом у воеводстве киевскомъ службы прозываемые Балышовщина служба Петрашовщина
которая служба естъ зоставою до ωтданя пнзей своих у пана Щасного Харлинского ωт того дей Филона Семашка и половину службы его Лопатинщина [кото]рая ест зоставую у вас до ωтданя пнзей своих служба того дей пана Щасного Харлинского Хоминъщина и другая служба половица Лопатинщины службами вашими Метейковщиною Борисовщиною и Корчовщиною
с которых дей служебъ своих верхъ по мененых кгвалтовне впорне и безправне своволне сами через себе и подданых ваших Ноздрыских в тые службы их в кгрунты их власные уступаете и забираете бчолы их власные в сосоню дерте дерево бортные ωднимаете и знамена дей свои Метейковские Борисовские и Корчинские водлуг мысли своее подереву бортному накладаете огляды их своимы знамены Метейковскими Борисовскими и Коручинъскими понаписовали и понакладовали росказуете дубровую ю сполную судеревную ωбапол реки Уши и ωбапол реки Норины на себе подданым своим Ноздрыскимъ зареслих и служебъ верху помененыхъ почертити и тертжи сеножати власные поωднимали и в ловеныю зверу ωт подданыхъ ваших Ноздрыских великую шкоду собе мет и в ловеныю дей рыбъ на реце Уши и на реце Норине ωд вас самих великую кривду собе менил
также дей тежы на тойже Метейковщине сами двором своим седите двор свой маете поωднимали поля нивы и на себе дей есте выпохали и поробили дубровы почерки и на себе дей есте забрали сеножати дей служебъ и верх помененых на себе есте поωднимали а поωдбирали так много новых пол на себе в тую Метейковщину выробили и выпохали сеножати дей зъ их служеб верхъ мененых собе привлащили которые службы их з вашими нивами полями и сеножатами не могут ся зровновати што есте на себе забрали
которая дей служба Метейковская Борисовская и Корчинъская завжды была заровнъ с тыми дей службами вашими менеными вси пожитки которые тым службам Ноздрыским належали ку своей Метейковщизне ωтняли и привернули:
ку тому теж ролавал иж на которой Метейковщине подданых своих насажал тоест меновите Михалка Вдодовича с тоеж службы Метейковщины и теж Метейковсие поля нивы сеножати всюды дерево бортное Метейковское входет и уживанют нивя поля и сеножати розбирают с той дей вам дани медовую кгрошовую дают и вси повинности чинят
тогож Михалка брат его Макар Вдодович на тойже Метейковщине седят на тойже службе Метейковской на потом ωсадили десети новых людей знамена новые вымисливши точинили тых меновите Ивана Мотуза Анътона Гогулку Панътелея Гом..аелима кторых маете на дани медовой кгрошовой и на инших повинъностях и пожитках до двора своего Метейковского ωсадивши привлащмли
и с тое дей службы Метейковщины сем жеребъевъ починили а сами дей на ωстмом жеребъю двором своим на тойже службе Метейковщине седите: в который дей подданых ваших Метейковских у кождого з особна так мнол и широко бортного дерева сеножатий нивыю поли дубров теперже а в дей в тых службахъ которые з давных часов за ровно во всемъ бывало з вашею Метейковщиною Борисовщиною и Корчинъщиною и тых дей волностий широкостий и къ самим и подданым ихъ в тых кгрунтахъ и сеножатех и во всих пожитках через васъ самих и подданых ваших мет не могут
где ж дей еще на той службе Метейковщине куничников колко надцат и человековъ есте ωсадили на том добров сеножатей входов пожитков с тыхже дей пожитковъ служебъ делили у Борисовщине дей
также чотыры чоловики также есте ωсадили итым сеножатей нивя пол дубрав и во всихъ пожиткахъ заровно против дей их служебъ мают непуставаючи на том упору и завидости своее неускромивши дей мощно кгвалтомъ подданых своих Ноздрыских Метейковскихъ Борисовскихъи Корчинъскихъ ωколо десят топоров дуброву Ноздрыскую сполную скдеревную до конца дей есте почорли и на себе забрали и заросли
также ихъ служебъ верхъ мененых судервую почорли и на себе поωднима и поωдбирати казали и знамена своими Метейковскими Борисовскими и Корчинъскими понаписовати и пока кладовати по деревю и подубъю казали якож дей вы сами и подданые ваши Метейковские Борисовские и Корчинъские ихъ самих подданыхъ из кгрунътов их верхъ помененыхъ вытискаете и вытискати велите прссады на селитъбу на ωсажываныя людей своими кодми посажали ωбапол реки Уши и ωбапол реки Норины а на ихъ службы ничого незоставили ку кривде и шкоде их немалой:
А ку тому ωсобливе того дей Филона Семашка власныве вдорные тережи заросли сеножати поля его власные в тойже судереви на себе поωднимати и поωдбирати казали во всем кривду и шкоду великую ωд вас Филон Семашко были менит на две тисечи копъ грошей литовских и ω том з вами Филону Семашко и вчасниковъ его панъ Щасный Харлинский ωчевисто людим и управа ω забраные кгрунтов их ъ и сеножати ровный дей мети хочу и ωто все вудлугъ жалобы своее перед судъ нашъ земский киевский васъ позывают:
Якож дей вже ωто предреченый Семашко з участником своим паном подкоморимъ небожчка ωтца вашего Анъдрея Сынкгура и матку вашу Богдану Метейковну Корчевну позы]вал рижли про недохожене роков тая справа конца не взела якож и тепер неставаючи в том праве своем знову те Филон Семашко и вчасник его подкоморий вас ωто перед судъ нашъ земский киевский позывают ωбо всемъ том ведлугъ жалобы своее в сем позве верхъ помененом мовити хочут што ширей а достаточне на року припалом вамъ показано будет
про то приказум тобе Иване Романе Андрею и Wлизару Сынъкгуры абы есте на роки судовые земские киевские которые сужены и ωправованы будут ω светой тройцы свята римского в року теперешнемъ тисеча пятсот деветдеят семого в замку нашомъ в Киеве ведлугъ жалобы в семъ позве ω кривды также и ω ровный дел рокомъ завитымъ у справедъливили
писанъ в Киеве року божого нароженя тисеча пятсотъ деветдесят семого мсца марца двадцатого дня #

позе†Дмитръ Рашъ писаръ
4049/II. Archiwum lipowieckie Junosza-Rościszewskich. Akta ruskie 1590-1593. XVI w. K. 150. сканы 67-69

[/q]