Левковские

[q]

«1510. 08. 07 Привилеи земенину вруцкому Ивашку Немиричу, зоставуючы его при чти за выправенем се от зрады и пры именю жоны его Варевцах, и при инших всих именяx и маетъностях

Жикгимонт, Божю милостью корол и великий княз.

Билъ намъ чоломъ земянин вруцкии Ивашко Немиричь о томъ, штожъ дворанинъ нашъ Суринъ впросилъ былъ в нас именье отчизное жоны его, Болъгаковы дочки Лисича Феди, на имя Варевъци, о чомъ жо мы перъвеи сего вже межи ними смотрели и тое именье Варевци жоне его Булъгаковой дочце присудили и листъ нашъ судовыи еи на то дали, нижли не казали есмо были еи за тымъ Ивашкомъ Немиричомъ быти, а то для тое причины, што помовено было на него, ижъ онъ зъ зрадцою нашимъ з Глинскимъ был и панства, землю нашу, казилъ. И потомъ тотъ Ивашко Немиричь билъ нам чоломъ и поведилъ перед нами, штожъ он мешкалъ въ зрадъци нашого у Ивана Глинского, а тое рады их не былъ сведомъ, и коли вже врозумелъ по нихъ, ижъ они таковую [зраду] вмыслили и стали напротивъку насъ господара, онъ послалъ отца своего Немиру до гетъмана нашог(о), кн(я)зя Косътянътина Ивановича Острозъского, прирожоному г(о)с(по)д(а)ру своему, служити и тежъ поведаючи, ижъ великий кн(я)зь московъскии дворянина нашого Остафъя Дашковича маеть до зрадци нашого Глинъского прислати, и кн(я)з деи Костянтинъ напротивъку того до мене отъписалъ жадаючи мене, ажъбыхъ тамъ змешкалъ до тыхъ часовъ, поки Остафеи тамъ з Москвы будеть, и до Остафъя деи тежъ в той речи кн(я)зь Костянтинъ писал, ажъбы ся на веру предковъ своих и свою, и тежъ на ласку вашое м(и)л(о)сти панскую впамяталъ и вашои бы м(и)л(о)сти, г(о)с(по)д(а)ру своему прирожоному, служилъ, и я деи, подлугъ науки кн(я)зя Костянтиновы, Остафъя тамъ дождалъ и листъ князя Костянътиновъ ему далъ, а самъ есми втекъ до Вручого, и тыи онъ листы кн(я)зя Костянтиновы, который же писанъ до Остафъя и до него тежъ пepeд нами вказывалъ а и сам тех кн(я)зь Костянътинъ в листе своемъ в тои речи до насъ за нимъ писал поведаючи, ижъ то такъ есть, какъ онъ передъ нами поведилъ. Ино коли ся тая речъ такъ в собе маеть, мы тому порозумели, штожъ онъ в тои зраде не есть виненъ, зася есмо его при его чти заставили. Маеть онъ с тою жоною своею, з Булгаковою дочкою Федею, мешкати по первому и тое именье Варевци и инъшии вси именья ее деръжати и вживати поспол с нею по тому, какъ и тесть его небожъчикъ панъ Булъгакъ Лисичанокъ деръжалъ. И на то есьмо казали ему дати сесь нашъ листъ || [400(384)] подъ нашою печатью. П[и] сан в Кракове, авгус(та) 7 д(е)нь, индик(т) 13 .»


Lietuvos metrika. Knyga Nr. 8 (1499—1514): Užrašymų knyga 8 / Parengė Algirdas Baliulis, Romualdas Firkovičius, Darius Antanavičius.. Vilnius, 1995. Л. 399—399 об. С. 373—374.https://metrika.ldkistorija.lt/knyga/102#page/n376/mode/1up

[/q]