Левковские

Из декретов королевского суда в Варшаве от 1614 года. Шляхта села Верпа

В 1614 году в Варшаве было издано пять декретов королевскаго суда, выданных по иску старосты овруцкого князя Михаила Корибута Вишневецкого к различным группам держателей королевских сёл в старостве о том, что эти держатели, владея землями, обложенными службою боярской путной и поляницкой, уклоняются от исполнения её и тянут с землями своими в земство. В числе других бояр названы и Пашко Устимович, Мартин Гридкович, Яцко Тумилович, Оникий Хиневич Левковские, а также Захарко, Семён, Яцко Верповские и Богдан, Иван и Васько Геевские-Ловдыковские.

Здесь Левковские, как Ледковские.(но это точно Левковские, так как в другом декрете Пашко и Яцко Левковцы). При переносе текста могут быть ошибки, но имена я проверил, указаны точно.

Приведу для примера один декрет:

[q]
"Жикгимонтъ Третий etc.
1) Ознаймуемъ симъ листомъ нашимъ всемъ вобецъ и кождому зособиа, кому о томъ ведати належить. Ижъ кгды се приточила справа передъ насъ и судъ нашъ межы инстыктаторомъ нашимъ зъ однесевья велможного Михаила Корыбутовича княжати Вышневецкого, старости нашого овруцкого, поводами зъ одвое а боярами нашими и шляхтою, земль и кгрунтовъ боярскихъ державцями до староства и присуду замку Овруцкого, нижей въ позве выписаными, належачими, позваними зъ другое стороны, теды постановившися очевисто отъ стороны поводовое вицеинстыкгаторъ нашъ урожоны Янъ Кгумовский и отъ делятора княжати Михаила-Висневецкого, старосты нашого овруцкого, урожонный Касперъ Пепловский, давшы сторону позваную черезъ возного енерала коронного двору нашого шляхетного Крыштофа Чыжовского но три дни до права прыволывати, за которымъ прыволаньемъ возного сторона позваная не стала, зачымъ поводове зъ допущенья суду нашого оныхъ въ зиску речи в отсуженья ихъ кгрунтовъ нашихъ вздати на позвы отъ стороны поводовой выданые, которые вси въ одинъ вписаные такъ ся въ собе мають: „Жыкгимонтъ Третий, Божью милостью король Полский, великий князь Литовский, Руский, Пруский, Жомойтский, Мазовецкий, Ифянтский а Шведский, Кготский, Вандалский дедичный король. Вамъ Семенове Козику, Яцку и Гаврилу Кубилинцомъ, бояромъ нашимъ, также иншой шляхте державцомъ и поплечникомъ всимъ села Кубылинъ, до староства нашого и присуду замку Овруцского належачимъ, вамъ Пашку Истимовичу, Мартину Гридковичу, Яцку Тумиловичу, Оникию Хыневичу Ледковцомъ, Тишку Диаконовичу, Степану а Ивану Невмирицкимъ, бояромъ нашимъ, также иншой шляхте и всимъ державцомъ и поплечникомъ села Ледковцовъ, до староства нашого и присуду замку Овруцкого належачихъ, вамъ Мелеху и Василью Губичомъ Бараномъ, бояромъ нашимъ, также шляхте, державцомъ и поплечникомъ вашымъ всемъ, вамъ Ивану, Остапу, Олешку Козичомъ Закусиломъ, бояромъ нашимъ, также шляхте державцомъ и поплечникомъ всимъ вашимъ села Закусили, вамъ Захарку, Яцку и Семенови Верповицомъ, бояромъ нашимъ, также шляхте державцомъ и поплечникомъ всимъ вашимъ села Верповъ; вамъ Левринови а Богдану Оношкомъ, Александрови Поповичови Моногулницомъ, также шляхте державцомъ и поплечникомъ всимъ кгрунтовъ Григоровскихъ, Тишковичовыхъ, Телошевскихъ, Фетисовскихъ, Федоровскихъ, Гапоновскихъ, Скорчевскихъ, Губарецкихъ, Демковскихъ, Сурковецкихъ, Беховскихъ, Речицомъ Покалева Мелеховскихъ на заставю Точинскихъ, въ Госове Сыгирецкихъ земль н людей до староства нашого и присуду замку Овруцкого належачихъ; вамъ Ивану, Васку и Богдану Геевичомъ Лондиковцомъ, Логмину, Артемю Доротичомъ и Росметкомъ, бояромъ нашимъ, также шляхте державцомъ а поплечникомъ всимъ села Геевичъ, до староства нашого и присуду Овруцкого належачимъ; вамъ отцу Рафалу Непитущому, игумену монастыра Николского Пустынского, и всей капитуле того монастыра земли боярское Таталевское до замку и присуду староства Овруцкого межи селми тоежъ земли Таталевское вашими поплечниками послушными належачое державцомъ,— съ тыхъ же кгрунтовъ боярских и зъ особь и зо всехъ добръ вашыхъ рухомыхъ и нерухомыхъ росказуемъ, абысте за тымъ мандатомъ нашимъ отъ положенья его за недель шесть передъ нами и паны радами нашими у Варшаве, албо тамъ, где на тотъ часъ щасливе зъ дворомъ нашимъ постановлены будемъ, завите в очевисте стали на правное попарте инстыкгатора нашого и велможного Михаила Корыбута княжати Вишневецкого, старосты нашого овруцкого, яко делятора, которы васъ позивають о то, ижъ вы, будучи боярами староства Овруцкого и ужываючы кгрунтовъ до него належачыхъ, для отдаванья намъ и Речы Посполитой службы панцерное боярское противъ неприятелюви фундовани и повинностями иншими, то есть присуду староства Овруцкого слухать, службу ордынскую служить, при старостахъ овруцкихъ, албо ихъ наместникахъ на войну ездити, у замковыхъ вороть чергою своею тижднемъ стерегивать, отъ ставу замкового гатити, старосту свого стацыею подоймовати и подводы до ночлегу давати обовязаные, яко о томъ ревизые, ивквизыцые, инвентари, мандаты и присуди старостовъ в наместниковъ овруцкихъ и декрета съ контроверсыи первой въ Малборку року тисеча пятсотъ девятдесятъ осмого мца июня дванадцатого дня, а другие у Варшаве року тисеча шестсотъ тринадцатого межы инстыкгаторомъ нашимъ зъ деляцыи старостовъ овруцкихъ а зъ другое стороны братью а поплечниками вашыми боярами непослушными черезъ насъ учыненые, сведчатъ, чому всему вы ся спротивляючы, зъ юрыздыкцыи старосты нашого овруцкого, тытулуючы ся шляхтою, которыми вы, боярами властными будучы и седячи на кгрунтахъ Речы Посполитое, быть не можете, упорне и змовнами въ земстве, въ кгроде и на трибунале декретами ухронитися и выти усилуєте, повинностий помененыхъ боярскихъ отдавати не хочете, въ чимъ вамъ шкоду и Речы Посполитой великую чините, которую инстыкгаторъ и деляторъ нашъ шацуетъ собе противъ кождому зъ васъ на тисечев копъ грошей литовскихъ; на то и отсуженья добръ, земль и кгрунтовъ боярскихъ зе злого ихъ ужыванья подпали есте. А васъ, шляхту, которые есте добра и кгрунты наши отъ боярь нуллитеръ покупили и повинности вшелякихъ боярскихъ службы ордыынское вышъ менованыхъ отдавати не хочете, до касованя, тыхъ записовъ и отсуженья васъ добръ купленыхъ позваные есте на то и што вамъ большее на термине пришломъ довожено будеть, абысте ся справили и отповедали. Писанъ у Варшаве двадцать девятого дня мца сентября року тисеча шестсоть тринадцатого". А по прочытанью того позву поводъ вицеинстыкгаторъ нашъ урожоный Янъ Кгумовский а отъ делятора княжати Михаила Вишневецкого, старосты нашого овруцкого, урожоный Касперъ Пепловский, умоцованы на попарте тое справи вывели терминъ реляцыею возного Василья Крупского въ книгахъ замковыхъ овруцкихъ девятого дня мца декабря року тисеча шестсотъ тринадцатого, также показалъ ревизые, анквизыцые, инвентары, мандаты и книга замку Овруцкого ихъ прусуду и декретъ малборский, черезъ насъ въ року тисеча пятсотъ девятдесятъ осмомъ и декрета варшавские року тисеча шестсоть тринадцатого противко тымъ и другимъ иншымъ бояромъ и подданымъ нашимъ съ контроверсыа сторонъ учыненые, въ которыхъ повинность ихъ зъ земль и кгрунтовъ и добръ боярскихъ есть достаточно описаная и суть юриздикцыи старости овруцкого присужоные, права и привилее ихъ, которыми ся щитили, яко вонтпливые поднесеные. А такъ мы, господарь, съ паны радами нашими при насъ на тотъ часъ будучими, бачечы такие доводы, отъ стороны поводовое вношоные, прихиляючи до мандатовъ святое памяти короля Жыкгимонта Августа, вуя и продка нашого, рукою ксендза Францышка Красинского подписаныхъ, которыми бояромъ а подданымъ овруцкимъ повинности и службы наказуеть, также ревизыю замку Овруцкого в инвентары, въ которыхъ тимъ бояромъ и подданымъ повинность есть описаная, венцъ и инквизыцыю пановъ земянъ, обывателювъ и урадниковъ земскихъ и кгродскихъ воеводства Киевского, въ которой сознаваютъ, же тые боярове не суть и не была николи шляхтою, только боярами присуду замку Овруцкого, а на все бачечы декрету въ Малборку и у Варшаве съ контроверсыи сторонъ въ подобныхъ справахъ съ тыми жъ боярами и поддаными овруцкими черезъ насъ учыненые, а зъ другой стороны, ижъ се непослушенство и упоръ явне показуетъ, позваныхъ всихъ тыхъ земль, кгрунтовъ и добръ, на которыхъ яко боярове и поддани седятъ н повинность зъ нихъ маетъ быти отправована, отсужаемъ, права, записы и привиля, естлибы якие мели, за неважные узнаваемо, зносимо и внивечъ оборочаемъ, так самыхъ бояръ, яко и шляхты, которые противъ праву посполитому в нашое зверхности такие добра отъ нихъ покупили, касуемъ и добръ тыхъ нашихъ боярскихъ отсужаемъ и диспозыцыи нашое в Речы Посполитое до староства Овруцкого старосте нинешнему велможному Мыхалови Корыбутови княжати Вишневецкому уживаню доживотне въ способъ зыску присужаемъ и возного зъ шляхтою, которыхъ собе онъ способитъ на увязанье въ тые добра вси боярские помененые въ позве, кгды зехце, прыдаемъ. А въ далшомъ поступку на кождомъ съ преречоныхъ позваныхъ подданыхъ и бояръ такъ особахъ самихъ, яко и всихъ где колвекъ маючихъ иншихъ добрахъ за шкоды черезъ тотъ часъ занесет, даваньемъ повинности походячое, вины тисячу злотыхъ полскихъ въ способъ деляторови всказуемъ, а спротивленья тому декретови нашому, яко есть въ немъ описано для далшое тыхъ винъ отправы и ексекуцыи тое справи до уряду кгроцкого Киевского яко блисшого налезного суду, не дерекгуючы ничого юриздицыи старосты нашого овруцкого напотомъ надъ посесорами тыхъ селъ одсылаемъ, который урядъ декретъ нашъ, яко въ справе Речы Посполитое екзеквовати повиненъ будетъ подъ винами въ праве посполитомъ описаними и до насъ листомъ своимъ одослати на баныцыю тыхъ позваныхъ бояръ, кгды бы послушные не были екзекуцыи уряду Киевского и декрету нашого за якою ремисою, албо одосланьемъ рокъ при позву сторонамъ передъ нами заховуемъ, до которого листу декрету нашего на большую веру и твердость печать коронную притиснути росказали есмо. Писанъ у Варшаве року тисеча шестсотъ четырнадцатого месца марца десятого дня а панованья королевствъ нашихъ Полского двадцать семого,а Шведского двадцать первого року. Felix Kryski in Drobnin Cancellarius Eegni. Справа того жъ."

См. Книга Коронных Записей XVI, Листы 19-26, 51 на обор.- 60. Опубликовано: Архив ЮЗР, Ч. 8, Т. 5., стр. 404—427 https://runivers.ru/bookreader/book9531/#page/525/mode/1up
[/q]

см. также: В 1615 году околичная шляхта одержала победу в Люблинском Трибунале над старостою овруцким Михаилом Вишневецким https://forum.vgd.ru/1231/1829...iew&o=

см. также на 1629 год шляхта с. Верпа:

Данило Кубылинский
Григорий Васильевич Невмирицкий
Мартин Корчовский
Булгаковские:
Богдан и Артем Лариновичи
Иван и Максим Захарьевичи
Левон и Михаил Ивановичи
Семен и Зусько (Зосим) Луцкевичи (Лукичи)
Василь Ермилович
Федор Левонович

[q]
Публикуется впервые:
"Протест от Булгаковских и Кубылинских на пана Миколая Быковского и пана Самоеля Мартинкевича.

Року 1629 месяца октября 9 дня.

На вряде Его Королевской Милости замку Житомирского передо мною Яном Витинским подстаростим житомирским, постановившись очевисто шляхетные панове Богдан Лавринович Булгаковский и Данило Кобылинский самые от себе, прихиляючись до протестации через шляхетного пана Максима Захарьевича Болгаковского, напротивко урожоным пану Миколаеви Андреевичу Быковскому[сын Яна-Андрея Быковского и Федоры Грегоровны Покалевской https://forum.vgd.ru/1231/1829...iew&o=] и пану Самуелю Мартинкевичу уряднику волости Каменецкое маетности капитулы Виленское, яко принципалом учинку нижей помененного, так именем их самих, яко теж именем инших братии и участников их панов Булгаковских... сведчили и жаловались с плачем протестовали... тыми словы:
Иж дей помененные пан Миколай Быковский и пан Самуель Мартинкевич, маючи якуюсь васнъ так противко им самим жалуючим, яко теж и противко всих братии и учасников их Булгаковских в протестации першой помененных намовившись обыдва сполне и добре нарадившись, припомнивши боязни Божое и срокгости права посполитого и вин в нем описаных... и напомнившисе злое воли, а хотечи нас протестуючих се розными способами не только з сего света згладити, але и на доброй славе зганити и обложити, в року теперешнем 1629 месяца сентября 20 дня помененный пан Миколай Быковский сам особою своею з слугами и подданными своими верповскими, приспособивши собе инших помочников... десять, а пан Самуель Мартинкевич через слуг своих рукодайных, неякого Сбыгковского и инших, также и подданных волости Каменецкое, зобравши купу людей немалую... которых всех могло быть человека полтараста им самим принципалом имены и назвиськи добре ведомых... з розным оружьем войне належачим... когды мы з иншою братею и участниками своими того дня 20 месяца сентября, одни будучи у стрельбы, а некоторые подглядаючи пчолы свои власные в пусчи и в грунте своем власном Булгаковском и Верповском, зъехали есмо се вси сполне на ночь до домов своих, которые маем у хуторах своих власных у Острове названом Оклети, для схованья убозтва своего под час разных тревог и куп свовольных, тоды преречоный пан Миколай Быковский сам особою своею... з слугами и помочниками и подданными своими преречоными, также слуги пана Мартинкевича и подданные волости Каменецкое за власным посланьем и розказанем пана Самоеля Мартинкевича урядника волости Каменецкое, всех сполне одностайне в той великой купе в полторасте человек, наехавши моцно и гвалтом на тые домце наши шляхетные и хуторы вночи з четверга на пятницу, то есть з дня 20-го на день 21-й месяца сентября, а заставши нас Богдана Булгаковского и Данила Кубылинского и инших братю и участников наших, меновите панов Ивана, Максима Захарьевичов, Левона и Михаила Ивановичов, Семена и Зуська Луцкевичов, Василя Ермиловича, Федора Левоновича, Артема Лавриновича Булгаковских, Григория Васильевича Невмирицкого, Мартина Корчовского... в тых домах наших убезпечоных спячих, яко людей спокойных ни вчом никому не винных, правом посполитым и покоем обварованных, и тые домцы наши власные около оступивши, яко який неприятель пограничный, окрик учинивши, первей з ручниц стреляти, потом до окон и до изб и до дверей гвалтовне ламати и добиватисе почали, там же двери и окна кгвалтом повыбивавши и повыламовавши на всих там домах наших на тот час будучих, окрутне а немилостевне шаблями, рогатинами, пешнями, киями, обухами посекли, поранили, побили, помордовали, а некоторых з избы выволокши тиранско... били, мордовали..."

[Пана Богдана Булгаковского и Данила Кубылинского, избитых и раненых, слуги Быковского и Мартинкевича захватили, связали и завели до двора Мартинкевича Словешнянского, где посадили в тюрьму, а добро их разделили; потом повели пешком до Овручского замка, заночевав по дороге в Хайче. Приведя в замок, за позволеньем подстаросты овручского пана Петра Казимерского, посадили в замковую тюрьму, а на второй день представили шляхте, что была в тот момент в замке, как злодеев, которые якобы были пойманы при подертье пчел. Но шляхта не признала за ними вины, и несмотря на это, они опять были брошены в тюрьму и лишь 30 сентября им чудом удалось бежать оттуда.
Все эти события были изложены манифестуючими жалобно и с плачем на вряде Его Королевской Милости замку Житомирского перед Яном Витинским подстаростим житомирским и по их просьбе внесены в гродские Книги. - И. Л.]

См. Zespół: 11 / Księgi grodzkie żytomierskie
Jednostka: 2 / Księgi grodzkie żytomierskie
Lata: 1590-1644
№33. Л. 209 об.-211 https://skanoteka.genealodzy.p...amp;zoom=1
в Описях №33 https://skanoteka.genealodzy.p...amp;zoom=1
https://forum.vgd.ru/file.php?fid=1120807&key=1896612022
https://forum.vgd.ru/file.php?fid=1120808&key=1387347165
[/q]

См. также Протест Виламов против Федора Левоновича и Гришка Максимовича Верповских, а также Левковских, Невмирицких и Кобылинских от 12 сентября 1640 года о нападение на село Бокиевщизну в ключе Веледницком. (Zespół: 11 / Księgi grodzkie żytomierskie
Jednostka: 9 / Księgi grodzkie żytomierskie
Lata: 1640 №770 Л. 828 об.https://skanoteka.genealodzy.p...;zoom=1.25)

Общая тема