VeraKavalУчастник Исследователь Усть-Куломской земли  Усть-Кулом Сообщений: 71 На сайте с 2023 г. Рейтинг: 20 | Вверх #17 сентября 22:02 17 сентября 22:03 Жители Усть-Кулома. Кипрушевы
После окончания Коми пединститута Мария Степановна Кипрушева работала в Кебанъеле, в Усть-Куломе, а потом в вечерней школе — преподавала русский язык и литературу. Она жила в доме, который её родители построили 110 лет назад. Дом большой, с просторными сенями и комнатами. У окон росли посаженные отцом и матерью деревья. В то время дом уже сильно обветшал, не было в нём прежнего уюта. Но сама Мария Степановна говорила: «Этот дом мне очень дорог — ведь его строили в тяжёлые годы, в том числе и в военные».
Отец долго жил вместе с матерью. Когда её не стало, он сильно тосковал, всё вспоминал, как они вместе строили свою жизнь. И сам часто повторял: «На душе спокойно от добрых воспоминаний о родителях, и тоска понемногу уходит».
— Я и сейчас не могу подобрать плохих слов о них. Они были очень трудолюбивыми, всегда помогали людям, поддерживали друг друга, — рассказывает Мария Степановна. За всю жизнь они ни разу не поссорились и не обидели никого, хотя на их долю выпало немало тяжёлого.
Отец три года учился в начальном училище, где хорошо выучил Евангелие — в те годы эта книга была очень ценной. Но и без большой грамоты человек жил умно, аккуратно, со знанием дела подходил к любой работе. Много лет он был заседателем в народном суде. Хоть и не имел большого образования, но умел хорошо писать. Однажды жарким летом в Куломдине был пожар, он унес сразу 14 домов. Писал письма царю от имени односельчан, когда те просили о помощи.
Отец Марии Степановны, Степан Александрович Кипрушев, всю жизнь трудился на стройках: был мастером по дорожным работам, строителем, бригадиром. Через его руки прошла вся дорожная сеть для колхозников — он вместе с товарищами прокладывал дороги, укреплял мосты, крепил брёвна, чтобы те не разъезжались. После организации колхоза ставили скотные дворы, склады и другие хозяйственные постройки. На бригадирской работе он трудился до самой войны.
В предвоенные годы в бригаде старались каждый день что‑то сделать для колхоза, учесть трудодни каждого работника. С утра до вечера ходили из дома в дом, помогали всем, кто нуждался в помощи. Особенно ценили трудолюбивых колхозников и молодёжь, которая работала на полях. Уважали детей Лазаря Ӧдялова — их было трое. Младшему, Меджоляысу, было всего 6 лет, он помогал матери. Очень трудолюбивыми и старательными были Ӧгаш, Серапима, Васька, жена Ӧльӧ и другие. А ещё были и взрослые дети, которых с малых лет приучали к труду. Плотники, кровельщики, косари — все они были ещё совсем молодыми. Зимой колхозники заготавливали лес и подвозили стройматериалы, а весной и осенью пахали и боронили землю. Выращивали всё: рожь, ячмень, овёс, горох, картофель, турнепс, капусту и многое другое. Собрав большой урожай, сдавали зерно, заготавливали сено. Колхозы «Ленин туйӧд» и «Выльног» соревновались друг с другом. О хорошей работе колхоза «Ленин туйӧд» писали в газетах «Вӧр лэдзысь» и «Вӧр фронт». Вот, например, заметка из «Вӧр лэдзысь» за март 1946 года.
— Наш Степан Александрович — отличный организатор, — говорят колхозники о бригадире Степане Александровиче Кипрушеве из второй бригады. Несмотря на возраст, он уже десять лет руководит бригадой. Его бригада — передовая в колхозе. В 1945 году бригада собрала высокий урожай зерновых — 10,7 центнера с каждого гектара. По сравнению с первой бригадой — на 1,4 центнера больше.
Бригада и сейчас не снижает темпов в подготовке к весеннему севу. План по заготовке сена выполнен на 80 процентов, заготовлено 10 центнеров сена.
Дядя Сандрик Степан знал о больших событиях в России. Он был на Первой мировой войне, попал в немецкий плен и вернулся только в 1917 году. Дома его ждали жена и двое детей. Когда началась Гражданская война, у него родилась ещё одна дочь, а потом семья решила вернуться на родную землю. Он рассказывал, как шли домой: в старой одежде, почти без еды, прошли сотни километров.
Из‑за возраста его не взяли на Великую Отечественную войну, но беда пришла в семью: сын Николай ушёл на фронт и погиб под Нарвой. А дочь Катя в те тяжёлые годы работала в колхозе трактористкой.
— Помню, мама повела меня показать Кате пожар. Поля были выжжены, едва виднелся трактор в поле. Катя как села за рычаги, так и не выходила из кабины — работала без устали.
Голод пришёл, руки опустились. Но хлеб не бросили, а говорили: «Лучше уж пусть трактор пашет, тогда хоть что‑то сможем вырастить».
На людей обрушились и раскулачивание, и коллективизация. Большой страх пришёл в семьи: люди боялись, что их выгонят из родного дома, где жили отцы и деды, где росли дети. Таких семей насчитывалось немало, в том числе и род Ӧнись Кипрушева. Их выгнали и вселили в дом Степана и Ӧльӧксаны. Сами они куда‑то переселились. Переселили и семью Егора с Марьей — те даже не успели толком обжиться. Егор с Марьей долго жили рядом с семьёй Степана.
У Кипрушевых был большой род — только у супругов Ӧнись и Степана родилось десять детей. А ещё они растили и воспитывали трудолюбивых, послушных, старательных ребят, умевших браться за любую работу и помогать друг другу. И дом они строили всей большой семьёй. Тогда семью Степана из Ӧльӧксана называли кулацкой, а я никак не могла в это поверить. Но теперь понимаю: такие «кулаки» не стремились к богатству, никого не притесняли, жили и трудились на своей земле в поте лица, берегли родовые традиции. А потом им навесили ярлык «врагов народа». Особенно тяжело было слышать слова Пелагеи (Пелагеи Степановны Чалановой): она вспоминала те дни, и голос её дрожал.
Отец и мать были людьми большой совести. Их дом был открыт для родных и односельчан, они всегда пускали на ночлег путников, помогали тем, кто попал в беду. Отец говорил: «Пусть хоть тулуп отдадим, лишь бы человек не замёрз в дороге». Мать делала всё, что могла, — и никогда не ждала благодарности.
Потом начались репрессии. Из рассказов отца стало известно, что арестовывали и писателей из Коми края. Среди любимых авторов был Виктор Савин, чьи стихи глубоко западали в душу. Он мог так много рассказать о родном крае. А потом я узнала: писателей арестовывали, чтобы заглушить их голос и заставить молчать остальных. В те дни горе стояло над всей землёй.
Семья родителей сильно обеднела. Их и самих чуть не причислили к кулакам. Мама рассказывала, что они не могли спать ночами, гадали, какая судьба ждёт впереди. Из дома забирали последние пожитки. Был и Серко — он делал всю работу по дому и ухаживал за домом. Мама вспоминала: каждый день кто‑нибудь ходил в колхозную конюшню, приносил домой ломтик хлеба и щепотку соли — так и жили. Серко было очень жаль.
Мария Степановна с большой теплотой вспоминает, как родители готовили детей к жизни. Все выросли достойными людьми. Катерина сначала стала известной трактористкой, потом работала бухгалтером в МТС и в гастрономе. Николай — кадровый офицер; хотя война и забрала его, он успел найти свой путь. Две дочери — Пелагея и Мария — стали учительницами. Анна — прокурором. Александр окончил высшее военное училище в Ленинграде, стал картографом, в войну составлял фронтовые карты, и эту работу продолжал ещё много лет после войны. Его сын Сергей, как и отец, окончил в Москве военный вуз по изучению иностранных языков и потом работал на Кубе, в Перу. Степан и Елизавета Кипрушевы дожили до старости, радовались внукам и правнукам — никто из них не свернул с честной дороги.
Ольга первой из семьи получила письмо из Москвы, где было написано: «Здравствуйте, великие труженики!» Так она с любовью вспоминала своих родителей.
Да, и сами супруги Кипрушевы были колхозниками. Они честно трудились в колхозе, вели хозяйство, растили и воспитывали всех своих детей, до 70 лет ухаживали за скотом. Хотя отец уже не мог выходить на колхозные работы, он всё равно помогал по дому: заготавливал дрова, чинил упряжь и делал другую посильную работу.
В тот год в Куломдине отметили 365‑летие, на празднике чествовали добросовестных работников и достойных людей. И в селе по‑прежнему помнят таких людей, как Кипрушевы. Но мы стали забывать тех «великих тружеников» — колхозников, трактористов, стахановцев, людей военного времени и многих других. Хотя бы в школе, на уроках истории и краеведения, нужно рассказывать о них.
Нина Буткина
Декабрь 2011 года
__________________________________________________________________________________________________________________
Кипрушевъяс
Мария Степановна Кипрушева Коми пединститут помалӧм бӧрын велӧдіс Кебанса, Кулӧмдінса, а сэсся рытъя школаясын роч кыв да литература. Нэмсӧ колляліс бать‑мамлӧн 110 во сайын стрӧитлӧм керкаын. Джуджыд кильчӧа, гожъян да тӧвъян жыръяса. Ӧшинь улас быдмӧны бать‑мамӧн на садитлӧм пуяс. Тайӧ кадӧн, дерт, керкаыс ёна нин пӧрысьмис, оз кут шоныд. Но ачыс шуӧ: менам пӧ оланінӧй дона, сы вӧсна мый стрӧитлӧмаӧсь сьӧкыда, войнаяс вӧсна коставлӧмӧн.
Батьыс кувсьыліс водзджык олісны мамыскӧд. Кор и сійӧ эз ло, колис ӧтнас, гажтӧмтчис, весиг ас ордас босьтліс олӧма аньӧс. А сійӧ и шуис ӧтчыд: лӧньӧд пӧ сьӧлӧмтӧ бать‑мам йывсьыд бур казьтывлӧмъясӧн, и гажтӧмтчӧмыд бырас.
— На йылысь ме и збыльысь ог вермы весиг мӧвпыштны лёк кыв. Вӧліны зэв зільӧсь, йӧзӧн пыдди пуктанаӧсь, киподтуяӧсь, — висьталӧ Мария Степановна. Быдмим квайт чоя‑вока да некор эг кывлӧй ёрччӧм ни скӧрлун петкӧдлӧм, кӧть на вывті муніс жӧ став сьӧкыдлуныс.
Батьлы удайтчӧма велӧдчыны куим во начальнӧй училищеын, кодӧс бура помалӧмысь сетлӧмаӧсь Евангелие. Тайӧ небӧгыс сэк вӧлі зэв дона. Но ичӧт грамотаа морт олӧмас вӧлі зэв мывкыдӧн, ӧкуратнӧйӧн, быд уджын сям‑мысьӧн. Уна во бӧрйылӧмаӧсь народнӧй судса заседательӧн. Пӧльлаӧ мунӧма. Пӧль абу тӧдлӧма и велӧдчӧмсӧ, а кужӧма гижсьыны. Ӧти жар гожӧмӧ Кулӧмдінын сотчылӧма ӧтпырйӧ 14 керка. Пӧль гижлӧма царлы письмӧ сотчысьяслы отсӧг корӧмӧн.
Мария Степановналӧн батьыс, Степан Александрович Кипрушев, и збыльысь уджавлӧма кывкутана юкӧнъясын: туй вӧчысь мастерӧн, стрӧитчысьӧн, бригадирӧн. Вичко шор вомӧн пос — колхозникъяслӧн да сылӧн пай, туйяс ёнмӧдігӧн ваялісны вӧвъясӧн кӧжа да крепитісны керъяс вольсалӧмӧн. Колкоз котыртчӧм бӧрын кыптісны скӧт картаяс, складъяс да мукӧдтор. Бригадиралігӧн удж вылысь воліс сёрӧн да вой шӧрӧдз.
Мӧдӧд бригадаса уджалысьяс пажын кадӧ на гижасис‑артасис кольӧм лунӧ колкозникъяслысь уджалӧмсӧ, быд мортлысь трудодень шедӧдӧмсӧ. Шонді петтӧдз на бара ветлӧдліс керкаысь керкаӧ да индаліс, кодлы мый вӧчны талун. А кутшӧм пӧся гортсаясыслы ошкывліс зіль колкозникъясӧс, челядьӧс, кодъяс уджавлісны верстьӧяс пӧвстын. Нимкодясис Лазар Ӧдялӧн куимнан зіль пияннас. Меддзоляыс, 6 арӧса, уджаліс мамыскӧд. Медся вына да мича ытшкысьясӧн вӧліны Ӧгаш, Серапима, Васька Ӧльӧ гӧтыр да мукӧд. И бара жӧ челядьӧс, кодъяс быд уджын велӧдчылӧмаӧсь татшӧмъяслысь. Юрбӧр куртысьяс, юр ваялысьяс, зорӧд талялысьяс — ставныс челядь арлыдаяс. Тӧвнас колкозникъяс пӧвстысь унджыкыс кер лэдзисны да заптісны стрӧитчан вӧр, а тулыс‑арыс ставнысӧ пӧсьӧдліс муяс вылын. Быдтывлісны ставсӧ: ид, сю, зӧр, анькытш, картупель, турнепс, капуста да мукӧдтор. Ыджыд урожай босьтӧм могысь петкӧдісны куйӧд, чукӧртісны пӧим. Ӧта‑мӧдкӧд ордйысисны «Ленин туйӧд» да «Выльног» колкозъяс. Унаысь «Ленин туйӧд» колкозлӧн бура уджалӧм йылысь гижлісны «Вӧр лэдзысь» да «Вӧр фронт» газетъяс. Вайӧда ӧтиӧс («Вӧр лэдзысь», 1946 вося март).
— Бур организатор миян Степан Александрович, — висьталӧны колкозникъяс мӧдӧд бригадаса бригадир Кипрушев йылысь. Аслас пӧрысьлун вылӧ видзӧдтӧг, сійӧ дас во нин веськӧдлӧ бригадаӧн. Сылӧн бригада колкозын передӧвӧй. 1945 воын бригада пӧлучитіс зернӧвӧйяслысь шӧркодь урожай 10,7 центнер быд гектар вылысь. Первой бригада серти 1,4 центнерӧн унджык.
Бригада ӧні оз омӧля лӧсьӧдчы тувсов кӧдза кежлӧ. Куйӧд петкӧдӧма план дінӧ 80 прӧчент, чукӧртӧма 10 центнер пӧим.
Ӧнись Сандрик Степан тӧдліс Россиялысь ыджыд лоӧмторъяс. Вӧлі первой мирӧвӧй война вылын, кӧні веськавліс немечьяслы пленӧ да мездісны 1917 воын. Гӧтырыс кольліс гортас кык челядьӧн. Гражданскӧй война пансян воӧ чужис содтӧд ныв, а асьсӧ бара босьтісны дорйыны чужан му. Висьтавліс гортсаясыслы: омӧлик кӧм‑пасьӧн, тшыг нисьӧ пӧтӧн вуджим сё километръяс.
Ыджыд арлыд вӧсна эз босьтлыны Великӧй Отечественнӧй война вылӧ, но сылӧн гыыс семьяысь ньылыштіс Николай писӧ, коді пӧгибнитіс Нарва дорын. А Катя нылыс тайӧ сьӧкыд воясас уджаліс колкозын трактористкаӧн.
— Ӧтчыд, рӧмдігас нин, мам мӧдӧдіс менӧ Катялы нуны пӧжас. Помтӧм‑дортӧм муяс, ӧдва и аддзи чойлысь тракторсӧ. Кыткӧ жугалӧма да ноксис‑дзоньтасис.
Кынӧма, киясыс турдӧмаӧсь. Но эз уськӧдчы нянь вылӧ, а шога шуис: трактор жугалӧм вӧсна пӧ эг удит вӧчны индӧмасӧ.
Ёнакодь йӧзӧс шызьӧдліс и коллективизация. Торйӧн ыджыд шог вайис семьяясӧ, кытысь верстьӧяс пыксисны пырны ӧтувъя овмӧсӧ. Кушмис уна керка, кытысь вӧтлісны олысьяссӧ, челядь ни пӧрысьяс вылӧ видзӧдтӧг. Татшӧмъяс лыдӧ веськалісны и Ӧнись Кипрушев рӧдысь. Ставсӧ нуисны да керкасӧ тасалісны Степан воклысь, Ӧльӧксанлысь. Асьсӧ кытчӧкӧ нуисны. Нуисны жӧ Ёгор Марьялысь верӧссӧ — лы ни кучик вошис. Ёгор Марья челядьыскӧд вель дыр оліс Степан семьякӧд ӧтчукӧрын.
Кипрушевъяслӧн вӧлӧма ыджыд рӧд — сӧмын Ӧнись пӧль гозъя быдтӧмаӧсь 10 ныв‑пиӧс. И бара жӧ пӧль‑пӧчлӧн бур оласногӧн да мортногсӧн велӧдӧмӧн быдмӧмаӧсь зіль, кывзысьысь, ӧта‑мӧдсӧ пыдди пуктысь, ӧта‑мӧдлы быд уджын отсасьны чепӧсйысь йӧз. И керкаястӧ вӧчны петавлӧмаӧсь ыджыд котырӧн жӧ. Сэк, кор Ӧльӧксан вежайлысь семьясӧ шуисны кулакъясӧн, ме бура эг на гӧгӧрво. Но ӧні верма шуны: татшӧмъясыс кутшӧм кулакъяс, кодъяслӧн эз вӧв озырлун, эз нартитлыны некодӧс, олісны да сулалісны кок йылас асланыс зільлунӧн, пӧсь кисьтӧмӧн да рӧдлӧн бур йитӧдъясӧн. Да нӧшта народлӧн врагъяс ним пысалісны. Ыджыдджык чойкӧд, Пелагеякӧд (Пелагея Степановна Чаланова) сёрниӧн на йылысь волам да сійӧ тадз жӧ мӧвпалӧ.
Бать‑мам вӧліны ыджыд сьӧлӧма йӧзӧн. Керканыс восьса рӧдвужлы и сиктсаяслы, лэдзлісны узьны ветлысь‑мунысьясӧс, пыравлісны и репрессируйтӧмаяс пӧвстысь. Бать шулывліс: кӧть пӧ тулуп вольсалӧй, но мортыс мед узис шоныдінын. Мам вердісюкталіс мыйӧн вермис — сійӧ йӧзсьыд эз жӧ дӧзмывлы.
Ӧтчыд бара волісны репрессируйтӧмаяс. Батькӧд сёрниысь кылі: власьтлӧн гыж улӧ сюрӧмаӧсь и Коми муысь гижысьяс. Лыддьӧдлӧмаяс лыдын — Виктор Савин, кодлысь небӧгсӧ буретш вӧлі лыддя. Сэтысь уна кывбур ӧнӧдз юрысь верма висьтавны. А сэки ме повзи: арестуйтӧмаӧсь кӧ гижысьсӧ, сылысь небӧгсӧ лыддьӧмысь вермасны и менӧ мыждыны. Дзеби гӧбӧчӧ да помӧдзыс лыдди сэні ставсьыс гусьӧн.
Ёна майшасьӧмӧн бать‑мам пырӧмаӧсь колкозад. Эз кӧ, кулакалісны эськӧ. Мам висьтавліс, мый гозъя войясӧн эз узьны, артасисны, кутшӧм олӧм лоӧ водзӧ. Гортысь нуисны видз‑му кӧлуй. Тшӧтш Серко вӧлӧс, код отсӧгӧн вӧчисны став уджсӧ, тшӧтш керка кыпӧдігӧн. Мам казьтывліс: быд лун пӧ ветла колкоз конюшняӧ нянь шӧрӧмӧн да синва сорӧн локта гортӧ — сэтшӧм жаль вӧлӧма Серко вӧлыс.
Мария Степановна ыджыд аттьӧ висьталӧ бать‑мамыслы и нывпиянсӧ олӧмӧ дасьтӧмысь. Ставныс лоисны мортногсӧн олысьясӧн. Катерина — нималана трактористка, бӧрыннас пыр бухгалтераліс МТС‑ын да гастрономын, Николай — кадрӧвӧй офицер, эз кӧ усь война вылын, аддзис жӧ олӧмсьыс туйсӧ, кык ныв — Пелагея да Мария — велӧдысьяс, Анна — прокурор, Александр помаліс Ленинградын высшӧй военнӧй училище, кытысь петіс картографӧн, война чӧж вӧчис фронтлы картаяс, и тайӧ уджсӧ нуӧдіс уна во бӧрыннас. Сылӧн Сергей пиыс бать мозыс жӧ помаліс Москваын иностраннӧй кывъяс велӧдан военнӧй вуз да уджаліс Кубаын, Перуын. Вӧліны кӧ ловъяӧсь Степан да Елизавета Кипрушевъяс, нимкодясисны эськӧ и мукӧд внук‑внучкаяснас — некод эз кеж лёк туй вылӧ.
Ӧльӧксан Москвасянь письмӧясын медводз гижліс: чолӧм пӧ, великӧй труженикъяс! Тадз шуліс муса бать‑мамсӧ.
Збыльысь, татшӧмӧсь и вӧліны колкозникъяс Кипрушев гозъя. Асьнысӧ жалиттӧг уджалісны колхозын, гортас вӧдитісны видз‑му, тӧждысисны да отсасисны став ныв‑пилы, 70 арӧсӧдз олісны скӧтӧн. Кор нин бать эз вермы петны колкоз уджъяс вылӧ, гортас вӧчаліс росъяс, разъяс да мукӧдтор.
Тавося гожӧмын Кулӧмдін пасйис 365 тырӧм, кӧні нимӧдісны бура уджалысьясӧс да енбиа йӧзӧс. А ӧд сикт сӧвмӧдӧмӧ ыджыд пай пуктылісны и татшӧмъяс, кыдз Кипрушевъяс. Но вунӧдім кольӧм кадся «великӧй труженикъясӧс» колкозникъясӧс, трактористкаясӧс, стахановецъясӧс, война кадся челядьӧс да уна‑уна мукӧдӧс. Кӧть нин школа пыр, велӧдчысьясӧс туйдӧмӧн да олӧмаяслӧн отсӧгӧн, колӧ казьтыштны найӧс.
Нина Буткина
2011 вося декабр
Газета "Миян Куломдiн"
  ---
Каваль Вера |
