Левковские

[q]

№ 169.-1564 г. Іюля 12. Грамота короля Сигизмунда Августа боярамъ Стоцкимъ на право владѣнія землею.

Roku tysiąc siedmsetnego czterdziestego pierwszego, miesiąca Oktobra dnia piątego.

Na rokach ziemskich Mozyrskich święto-Michalskich, porządkiem prawa pospolitego sądzących się, przed nami Michałem Ipohorskim Lenkiewiczem-sędzio, Józefem Piotrem Boguszem-podsędkiem y Bogusławem Wolbekiem - pisarzem, urzędnikami ziemskimi powiatu Mozyrskiego, comparens personaliter iegomość pan Kazimierz Stocki-chorąży iego królewskiey mosci dokument, niżey de actu et data wyrażon, imieniowi ichmościow panow Stockich służący, do xiąg teraznieyszych rokow święto-Michalskich ziemskich Mozyrskich dla ingrossowania per oblatam podał de tenore sequenti.

Жыгмунтъ Августъ Божою милостю король Польский, великий князь Литовский, Руский, Пруский, Жмуйдский, Мазовецкий и инныхъ.
Чинимъ явно симъ нашимъ листомъ всемъ в обецъ и кождому з особна, нынешнимъ и на потымъ будучымъ, ижъ мы господаръ, хотячи розширити и розмножити у панстве нашимъ великомъ князстве Литовскомъ людьми рыцырскими народу шляхецкого, абы на потомне часы у панстве нашымъ великимъ князстве Литовскомъ могло быть розширене бояръ шляхты нашое ку потребе нашой господарской и ку оброне речы посполитей противко неприятеліомъ нашымъ и тому панству нашому великому князству Литовскому, а маючы мы в рукахъ своихъ маетность спадковую по небощыку Станиславовичу Рекутовичу - старостичу Жмойдскому, который с того свита безпотомне смертью зышолъ, а тая маетность Мстибовъ зо всими приналежностями на насъ господара спадкомъ до рукъ и шафованя нашого пришла од колько десятъ литъ, еще за славной и годное памети за щосливого панованя наяснийшого господара короля его милости и великого князя Литовского Александра Казимеровича, дяди нашого, в которыхъ то маетностяхъ во Мстибове сие бояри шляхта на розныхъ мейсцахъ земли держали одъ небощика славной памети Станислава Яновича Рекутовича — старостѣ Жмойцкого, которые то бояре шляхта, держечы тые именича свое за выслугами продковъ своихъ, не даючы ничого пану Станиславу Яновичу Рекутовичу - старосты Жмойцкому, на которые то маетности именича свое каждый з нихъ листовъ твердости мети не мели, онакожъ кождый з нихъ з своего именича иной повинности, дани и подачковъ пану своему не даючы, только на потребу, когда указывала потреба на тотъ часъ пана ихъ зошлого небощыка Станислава Яновича Рекутовича — старосты Жмойцкого и потомка его пана Станислава Станиславовича Рекутовича ку оброне речы посполитой военное, а по смерти пана Станислава Станиславовича старостича Жомойцкого намъ господару еще продкомъ нашимъ остала на насъ нинейшимъ господаремъ королемъ ихъ милостямъ Александремъ, дяди нашомъ Жыгмунту, господару королю его милости, пану отцу нашому и за щасливого панованя нашого якъ передъ тымъ, такъ и теперъ намъ господару своему тые бояре шляхта Мстибовские конемъ службу военную служать, яко иншая шляхта бояре нашые в повете Волковыскомъ служать, лечъ же они вышъ мененые шляхта бояре нашые на имениче свое ниякой твердости и листовъ никоторыхъ не мили одъ наяснейшихъ господарей королей ихъ милости и великихъ князей Литовскихъ, одъ Александра его милости, святой памети Жыгмунта, пана отца нашого и одъ насъ господара не мають, Нижли приежджали здей до насъ господара бояре шляхта нашыи Мстибовские Грегорый Миколаевичъ Семичовъ Стоцкий и Андрей Станиславовичъ Стоцкий били намъ чоломъ и покорне насъ просили, абыхмо имъ ласку нашую учинили и тое имениче въ Стокахъ имъ дали, листомъ нашымъ дату нашу потвердили, при свободахъ и вольностяхъ ихъ самыхъ, детей и потомки ихъ оставили. Што мы видечы ихъ слушную прозьбу и чоло бите ихъ, а за причиною и радою пановъ радъ нашихъ, на тотъ часъ при насъ будучыхъ, тую маетность, имениче Стоки, надъ речкою Стокою, якъ сама в собе тая маетность з (своихъ) сторонъ есть и з давныхъ часовъ ограничоная презъ мерничихъ нашихъ, однимъ концомъ упираетъ до границы княжати Збаравского, а другимъ концомъ до именя грунтовъ князей Глинскихъ и княжати Збаравского, а однимъ бокомъ до грунтовъ подданыхъ нашихъ села Рыбаловского, а другимъ бокомъ одъ лиса княжати Збаравского, прозываемого Машковщина, и до грунту тогожъ княжати Збаравского, которую то маетность, имениче вышъ мененое Стоки даемъ и симъ листомъ нашимъ потверджаемъ земяномъ нашимъ повиту Волковыского Григору Михайлу[Миколаевичу-И.Л.] Семичу Стоцкому и жони его Раине Мартиновне Стоцкой, детемъ и потомкомъ ихъ и Андрыю Станиславовичу Стоцкому и жоне его Богдане Сидоровне Миневне, детемъ и потомкомъ ихъ на вичные часы; вольны будутъ впродъ реченые Михайло[Григорей-И.Л.] Семеничовъ Стоцкихъ[Стоцкий-И.Л.] и жона его Реина и Андрей Стоцкий з жоною своею Богдановною[Богданою-И.Л.] и потомками своеми тою маетностию своею вышъ мяновною Стоками, яко власностями своеми, шафовать они сами, жоны, дети и потомки ихъ, щадки ихъ на вечные часы, дать, даровать, продать и заменять и на вечные часы свое пожитки ку найлепшему оборочати, а намъ наяснейшимъ господару, потомкомъ нашимъ з того именя своего Стоцкого на потребу речы пасполитое и войну противо неприятелеви нашому, коли будетъ ухвалено на Посполитое рушене, посполу з иншою шляхтою нашою у повети Волковыскомъ коня ставети, яко и во всехъ земляхъ того панства, нашого великого князства Литовского, и при тыхъ вольностяхъ и свободахъ ихъ самыхъ впродъ реченныхъ Михала[Григорея-И.Л.] Семича Стоцкихъ и Андрея Стоцкого заховуемъ, жоны, дети и потомковъ ихъ на вечные часы, яко иншая бояра шляхта нашая во всехъ панствахъ великого князства Литовского, который маючы в рукахъ своихъ добра столу нашого господарского, кому хотечы и кого кольвекъ особе отдать, шафовать, яко власностями своими. И на то есми дали нашъ листъ з нашою печатью великого князства Литовского, до которого есмо и рукою нашою подписали и безъ руки подали маршалка двору нашого подскарбего земского, писара нашого, справцы воеводства Виленского, старосты Слонимского и Мстибовского, державцы Оршанского и Завельского пана Ивана Нарпушана. Писанъ у Книшине лита Божого нароженя тысяча пятьсотъ шестидесятъ четвертого, месеца Юля двунастого дня. U tego przywileiu podpis ręki regnanta w te słowa: Zygmuntus Augustus Rex. (L. S.). Матей Савицкий писаръ.

Który przywiley, prout in se continetur, de verbo ad verbum do xiąg teraznieyszych ziemskich Mozyrskich przyięty y zapisany.

Изъ актовой книги Мозырскаго земскаго суда за 1715-76 годы, №12424, л. 479-80.


См. Акты Виленской археографической комиссии: Том XXIV. Акты о боярах. Вильна. 1897. С. 274-275.https://books.google.com.ua/bo...mp;f=false

[/q]

[q]

В ПЕРЕМЫЛЬе

[/q]