Железная дорога Минск-Камень

“Наша Ніва” №27 за 1910 год:
“ Генерал – маёр Тызенгауз з упраўлення Беларускай чыгункі прыслаў у нашае мястэчка на імя тутэйшаго мешчанскаго старасты ліст , у каторым пішэ, што мястэчкі, каторые хочуць, каб недалёка ад іх былі станціі гэтай чыгункі злажылі грошы: Дзятлава (6 тыс жыцелёў) тысячу 200 рублёў; Крынкі (10 тысяч жыцелёў) 2тысячы рублёў; Івенец(12 тысяч жыцелёў) 2тыс. руб.. Калі гэтыя мястэчкі дадуць жаданыя ад іх грошы , тады не далей як на поўвярсты ад іх будзе выбудована станція. Адказ просяць даць як найскарэй, бо ў верэсні месяцы трэба адаслаць ужо ў міністэрства праэкт. Які будзе канец ешчэ невядома, - але ўжо людзі закраталіся крыху каля гэтай справы.”
Міхаіл Пятровіч Лотыш жыхар мястэчка Івенец.

На жаль справа з чыгункай не дайшла да канца . Быў зроблены толькі насып пад чыгуначную каляю да вёскі Камень, які дзе – нідзе захаваўся і дагэтуль. Далейшым працам перашкодзіла Першая Сусветная вайна, І Івенец застаўся без чыгункі. А шкада. Яна б нам незашкодзіла і цяпер.
( Дадзеныя па колькасці жыхароў указаны з улікам насельніцтва Івенецкай воласці)